EXISTE UN SERVIZO DE ATENCIÓN PERMANENTE PARA A CIDADANÍA

A Brigada de Obras ten atendido más de 350 demandas dos veciños e veciñas no último trimestre, e máis de 1.000 no que vai de 2012

Martes 4 de setembro do 2012

Analizando os datos máis polo miúdo, vemos que no que vai de exercicio a media de avisos rexistrados cada mes e de 115, dos que unha media de 57 estarían referidos ao alumeado público. Dentro de Carballo Limpo -que inclúe accións destinadas a conservar o medio ambiente como labores de desratización, de mantemento de colectores de recollida de lixo e de recollida selectiva, do Punto Limpo e o Punto Limpo Móbil, ademais da recollida de cartón pregado a pé de porta ou de aceite de cociña usado-, teríanse rexistrado un total de 375 avisos no que vai de anualidade, dos que 87 se corresponden ao último trimestre e que implican unha media mensual de 41 avisos. Entre xullo e setembro, tamén hai que subliñar que se rexistraron 23 solicitudes referidas a servizos en xeral de auga, luz, recollida de lixo, saneamento ou teléfono das 76 recollidas en todo o ano; 24 referidas a deficiencias atopadas no mobiliario urbano, en edificios e infraestruturas deportivas cun total de 31 en 2012; 9 referidas a bacheados e arranxo de estradas e beirarrúas, con 31 en todo o ano; e 1 demanda relativa a arranxos relacionados con sinais de tráfico, carteis ou paneis indicadores, cun total de 5 no que vai de 2012. Respecto dos datos por parroquias, Carballo, Rus e Sofán son as zonas nas que se demandan máis arranxos ou se rexistran máis peticións, mentres que en Rebordelos, Vilela ou Aldemunde é onde se teñen rexistrado menos en todo ano, así como no último trimestre.