PRÓRROGA PARA OS TRABALLOS DA BIBLIOTECA

Aprobado o expediente do Contrato privado de arrendamento do local destinado a bar-cafetería no Mercado de Carballo

Luns 19 de novembro do 2012

No que respecta aos medios materiais destinados ao servizo, valorarase a maquinaria, material e equipo do que se vai dispor para a execución do contrato; a presentación dun plan cunha descrición detallada dos investimentos (inversións fixas no inmoble) que se realizarán, indicando a descrición, a calidade dos elementos a empregar e o orzamento detallado de cada unha das inversións previstas; unha descrición das medidas empregadas polo empresario para garantir a calidade do servizo; e a tecnoloxía empregada para a manipulación de alimentos. No que respecta á calidade, variedade e prezo dos menús, valorarase a garantía da calidade das materias primas, a composición e variedade dos menús, o uso de produtos con denominación de orixe ou ecolóxicos e a relación calidade prezo. No que se refire á prestación de productos preparados valorarase a prestación de tapas, bocadillos, cazolas, etc. para ser dispensados no local. E no que respecta ao mantemento, limpeza, conservación e reposición das instalacións, maquinaria e enxoval, valoraranse as melloras sen custo, exceptuando as referentes á limpeza. Deberá presentarse un programa específico e detallado da limpeza dos aseos públicos así como da contorna do local.

As proposicións presentaranse, en un sobre pechado, nas oficinas do Concello, nos quince días naturais a contar dende o seguinte ao que apareza publicado o anuncio no Boletín Oficial da Provincia (BOP) de A Coruña. Entre as obrigas que terá o futuro arrendatario, hai que subliñar, entre outras, que debe destinar o local arrendado ao desenvolvemento da actividade exclusiva de bar-cafetería; que está obrigado a cumprir o período total do contrato; desenvolver a actividade de maneira directa, non podendo en consecuencia o arrendatario ceder, enaxenar, traspasar, gravar ou subarrendar o local arrendado, nin en todo nin en parte; manter en bo estado de conservación o local comercial e as súas instalacións; dispor de todo o persoal específico e necesario para unha adecuada prestación dos servizos; ou manter o servizo aberto ao público en xeral nas datas e no horario que teña ofertado na súa proposición.

Prórroga para o contrato de obra da Biblioteca