O PROGRAMA TRANSCORRE ENTRE O 8 E O 16 DE FEBREIRO

Aberto a partir do 29 de xaneiro o prazo para anotarse no Concurso de Disfraces e no Enterro da Sardiña 2013

Venres 25 de xaneiro do 2013

A Concellaría de Cultura informa de que tamén está aberto o prazo de inscrición para o Enterro da Sardiña, que se celebra o martes 12 de febreiro a partir das 21.00 horas. Poden participar todos aqueles grupos de nenos e nenas e/ou adultos compostos por un mínimo de 5 persoas ataviadas coas roupas e obxectos propios dunha "comitiva fúnebre" para acompañar ao enterro da sardiña. Para inscribirse poden facelo, ao igual que no caso do Concurso de Disfraces, Comparsas e Carrozas, do 29 de xaneiro ao 8 de febreiro na Concellaría de Cultura de 10.00 a 14.00 horas e o día 12 de febreiro (o mesmo día do Enterro da Sardiña) antes do inicio da actividade de 19.30 a 20.30 horas na Casa do Concello. Por último, hai que mencionar que o luns 28 de xaneiro ás 13.00 horas ten lugar na Casa do Concello a rolda de prensa para presentar os actos que configuran este ano o Programa de Antroido 2013.

Os interesados e interesadas en descargar as bases e as follas de inscrición tanto do Concurso de Disfraces, Comparsas e Carrozas como do Enterro da Sardiña, poden facelo nesta mesma nova en tres documentos en pdf.