MÁIS DE 5.000 VISITAS NA PÁXINA WEB PARA CONSULTAR O PLAN

Última semana para presentar alegacións ao documento para aprobación inicial do PXOM: até o venres 22 de marzo

Luns 18 de marzo do 2013

Desde o primeiro día en que os planos e documentos estiveron a disposición do público a afluencia de veciños e veciñas ao Fórum ten sido constante, así como a media de descargas e visitas a través da web. Neste último caso, ademais de consultas dende países como Holanda, Alemaña, EE.UU, Kuwait, China ou Xapón, nos últimos días incorporáronse visitas dende Canadá, Perú ou Polonia. O tempo medio por consulta é de preto de nove minutos, mentres que o día no que se rexistran máis consultas son os luns, sendo a maioría delas entre as 10.00 e as 14.00 e as 16.00 e as 20.00 horas. Dende a Oficina Técnica pregan aos interesados e interesadas en presentar alegacións, que para facelo acheguen o plano da parcela sobre planos do PXOM e/ou do Catastro, localizándoa mediante unha trama e a súa referencia catastral. Os interesados e interesadas poden consultar e/ou descargar todos os tomos coa documentación completa do PXOM nunha ligazón nesta mesma nova, así como o modelo tipo de instancia para presentar alegacións e a publicación do anuncio no DOG.