CONTACTO CO SERVIZO NO 981 754 917

O municipio conta con 121 novos colectores de papel e cartón pregado instalados a través do programa Carballo Limpo

Martes 19 de marzo do 2013

Así mesmo, convén lembrar que dende que a Unión Temporal de Empresas (UTE) formada por Urbaser e Servigal ten asumido a xesión do servizo de recollida de lixo, Punto Limpo e Canceira do Concello de Carballo (a finais de 2012) téñense rexistrado algúns cambios na xestión. Entre eles, a ampliación do horario do Punto Limpo do parque empresarial de Bértoa ou o incremento de días de recollida do Punto Limpo Móbil. Así, no primeiro caso a apertura é xoves e sábados de 10.00 a 13.00 e de 16.00 a 19.00 horas, incorporándose o horario de tarde. No segundo, amplíase substancialmente a recollida de voluminosos a domicilio, prestándose a partir de agora o servizo todos os mércores entre as 7.00 e as 13:40 horas, cando antes se limitaba aos primeiros martes de mes. Os usuarios/as que o desexen tan só deben avisar primeiro por Twitter ou por teléfono e depositar os enseres a carón dos colectores os martes pola noite.