VENRES 14 NA PRAZA DO CONCELLO E SÁBADO 15 NO PAZO DA CULTURA

A fin de semana combina o humor do país de Pepo Suevos e Fede Pérez co "umbral da estupidez" de Rober Bodegas

Xoves 13 de xuño do 2013

Respecto de Fede e Pepe Suevos, o primeiro debutou como actor no mundo das series de televisión con "Padre Casares" e participou tamén en "Air Galicia". Nos seus últimos traballos figuran series como "UCO", "O país dos ananos", "Los hombres de Paco" ou "O show dos Tonechos". Tamén foi parte do equipo de actores de "Mar adentro" (2004). É coñecido polas súas interpretacións como protagonista en "Era Visto!" e "Tourilandia", na TVG. Pepo Suevos, pola súa banda, é un experimentado humorista todoterreo. Con preto de mil actuacións en todo tipo de escenarios durante doce anos, dende escolas ata grandes festivais pasando por bares, auditorios ou galas, pode presumir de ser uno dos monologuistas galegos máis prolíficos. O corpo a corpo e o humor "salvaxe" son as súas especialidades. Ademáis da súa faceta como monologuista, animador e mesmo locutor de radio, Pepo Suevos tamén traballa como actor de cine e televisión en series como "Matalobos", "Mareas Vivas", Terra de Miranda" (TVG) ou "Piratas" (Telecinco); e en programas como "Land Róber" ou "Tourilandia", nos que tamén exerceu de guionista.

Rober Bodegas case non necesita de presentación entre os carballeses e carballesas, que son testemuños da súa evolución como humorista e showman. Entre os seus fitos, están o de ter gañado o programa de TVE "El rey de la comedia" ou traballar como guionista e presentador en "Sé lo que hicisteis..." en la Sexta. Ten sido pregoeiro das festas do San Xoán no ano 2009 e leva dez anos na comedia, sendo colaborador en dous programas de televisión nacionais ao mesmo tempo que guionista. Ademais ten participado en novos proxectos para Hill Valley, produtora de Muchachada Nui, e Mandarina. Na actualidade escribe e interpreta sketches e cortos en <solocomedia.com> xunto cos cómicos Ángel Martín e Alberto Casado.