NO FÓRUM CARBALLO OS DÍAS 1, 2, 3, 6 E 7 DE OUTUBRO

II Foro de Mobilidade e Autonomía Infantil: "unha cidade boa para a infancia, é unha cidade boa para todo o mundo"

Mércores 1 de outubro do 2014

Outros datos que reflicten a falta de seguridade nos desprazamentos en vehículos que padecen a diario os cativos e cativas é que o 80 por cento afirma que empregan sempre o cinto cando suben ao coche, pero o 50 por cento tamén asegura que lle avisa aos adultos de que teñen que poñelo tamén, outro "modelo de conduta nocivo", subliña o Concelleiro de Seguridade. Dentro dos datos recollidos, tamén hai espazo para preguntarlle aos nenos e nenas como mellorarían eles a situación. O 30 por cento piden que os vehículos respecten os sinais de tráfico, pero moitos tamén piden que os autobuses teñan cinto de seguridade, que as beirarrúas sexan máis grandes, que os coches corran menos e que paren nos pasos de peóns. Son todas reclamacións que realizan un retrato moi pouco edificante da situación que se vive a diario nas horas punta nos centros de ensino, e que se reflicte en que un 41 por cento dos 806 cativos e cativas quererían que se "quiten os coches dos coles". Por todo o anterior, hai que traballar para concienciar ás persoas de que "é bo camiñar" e que ás veces levar aos nenos e nenas en coche aos coles é perigoso, xa que unha ampla maioría dos mortos en accidentes de circulación se producen en desprazamentos curtos, e dentro deles, moitos nos desprazamentos aos centros de ensino. Á vista dos datos recollidos na enquisa, o Foro quere contribuír a que "a cidade non se pense en función de sectores concretos, senón tamén en función dos nenos e nenas", di Regueira, porque "un ambiente urbano no que un neno ou nena viva con normalidade é un ambiente urbano no que un adulto tamén pode facelo".

O transporte e o concepto de cidade