AS OBRAS MARCHAN SEGUNDO OS PRAZOS PREVISTOS

A piques de rematar os traballos para cubrir o depósito de captación de auga da II Fase do proxecto Anllóns-Bardoso

Martes 16 de decembro do 2014

Respecto da Fase I, hai que mencionar que, despois da resolución dun primeiro contrato a causa do imcumprimento do mesmo por parte da adxudicataria, agora os traballos serán realizados pola UTE (Unión Temporal de Empresas) Anllóns Bardoso I formada por Construcciones López Cao SL e Construcciones Ramón Vázquez y Reino SL. O prezo de adxudicación foi de 1.024.870 euros (IVE incluído), mentres que o prazo de execución é de catro meses (120 días naturais). Hai que mencionar que neste caso a UTE tamén se ten comprometido a realizar melloras técnicas e de obra sen custo adicional por un importe de 112.453,05 euros. Tamén hai que lembrar que estas actuacións están cofinanciadas por fondos europeos Feder.