O ALCALDE DEFENDE O LABOR DOS TRABALLADORES DO CONCELLO
Os ditames dos técnicos municipais ratifican que os informes preceptivos de Augas de Galicia están incluídos no PXOM
Xoves 5 de febreiro do 2015
Nese informe previo á aprobación inicial, tamén se especifica que as observacións e condicións recollidas no ditame deben incluírse no documento final para a aprobación provisional, unhas modificacións que os técnicos municipais xa realizaron no seu momento. A pesar de ter cumplicos os requisitos esixidos por Augas de Galicia, Lantes sinala que, xa que Carballo xa padeceu as consecuencias que implica a anulación dun planeamento, como asi ocorreu co aprobado en 2003 por sentenza do Tribunal Superior de Xustiza de Galicia e do Tribunal Supremo, decidiuse solicitar un novo informe de Augas unha vez feitas as incorporacións para comprobar que, efectivamente, a documentación cumpría con todos os requerimentos esixidos polo departamento autonómico. O obxectivo era cumprir escrupulosamente con todos os requerimentos legais. A documentación necesaria remitiuse a Augas o 18 de febreiro de 2013, pero non foi ata 21 meses máis tarde, o 3 de decembro de 2014, cando chegou a resposta de Augas. Lantes asegura que este segundo informe é de novo, na maioría dos seus puntos, favorable ao plan. As principais observacións refírense ao Plan hidrolóxico de Galicia Norte e aos mapas de riscos de zonas inundables, xa que o ditame esixe que se anexen estes mapas no novo PXOM. Os informes de todos os técnicos municipais referendan que o PXOM aprobado o 2 de febreiro no pleno anexa estes mapas, a pesar de que aínda non contan coa aprobación definitiva do departamento autonómico e están en fase de resolución de alegacións, algunas presentadas, precisamente, pola administración carballesa. Entrevistas coa Secretaría Xeral de Urbanismo e con Augas