AS ACCIÓNS FORMATIVAS TERÁN LUGAR NO FÓRUM CARBALLO

O Plan de Formación da Bolsa de Traballo para 2015 conta con nove cursos que beneficiarán a un máximo de 475 persoas

Luns 6 de abril do 2015

Hai que lembrar que poden ser beneficiarios e beneficiarias dos servizos desta Bolsa de Traballo tanto a poboación activa como os ofertantes de emprego: autónomos, empresas, entidades ou institucións que inicien procesos de selección de persoal. A inscrición dos demandantes, así como a xestión das ofertas, lévase a cabo a través da Bolsa de Traballo Municipal situada no Fórum Carballo. Pode contactarse co servizo na Praza dos Bombeiros Voluntarios, s/n; teléfono: 981 709 011; enderezo electrónico: <bdt@carballo.org>. O horario é de luns a venres de 8.30 a 14.30 horas. O servizo tamén está dispoñible nas redes sociais a través de Twitter en <@bdtcarballo>.