ESTÁ PREVISTO ORGANIZAR UNHA MOSTRA COAS OBRAS PRESENTADAS

Xa se coñecen os gañadores do Premio Fotopoético Carballo, mirando ao mar, que repartiu 5.000 euros en premios

Xoves 4 de xuño do 2015

O xurado decidiu por unanimidade deixar deserto o Premio de Textos poéticos, xa que consideraron que a calidade das obras participantes está por debaixo da altísima calidade que marcaron as outras tres categorías, polo que se decidiu outorgar tres accésit: o accesit na categoría de Fotografía valorado en 400€ recaeu na obra "Fulgor", de Raquel Santos Álvarez de A Coruña, que se presentou baixo o pseudónimo Miranda Mare; o accésit na categoría de Fotopoema valorado en 400€ gañouno a obra "9 versos sen poeta" de María Rita Más Ybáñez de A Coruña, que se presentaron baixo o pseudónimo 9 versos sen poeta; o accésit en Videopoema valorado en 400€ otorgouselle á obra "Presenzas", de Miriam Rodríguez Dominguez e Pablo Kaufmann González que participaron baixo o pseudónimo Kaufiriñas. Coas obras premiadas e cunha selección das presentadas organizarase unha exposición nas próximas semanas. Tamén está prevista a publicación dun catálogo.