PODERÁ VISITARSE ATÉ O 31 DE XULLO

As obras do Premio Fotopoético "Carballo, mirando ao mar" invaden o barrio da Lagoa, que acolle unha mostra ao aire libre

Xoves 18 de xuño do 2015

O acto tamén serviu para realizar a entrega de premios do Premio Literario Infantil Carballo, mirando ao mar, que se fallou coa deliberación do xurado (formado por, Xosé Regueira, Concelleiro de Promoción Económica; Rosa Rial Lema, profesora; Cristina Abelleira, xornalista; Santi Pazos, escritor; e Maite Parga, Técnica de Turismo do Concello, como secretaria, con voz e sen voto) o pasado 15 de xuño. Como Primeiro premio resultou elixida a obra "Espazo natural Razo-Baldaio" de Claudia Rama Mosquera, do CEIP A Cristina, dotado con material cultural infantil en galego por valor de 250 euros; como Segundo premio escolleuse a obra "Razo-Baldaio", de Pablo Martínez Souto, do CEIP A Cristina, dotado con material cultural infantil en galego por valor de 150 euros. Por último, como Terceiro premio resultou elixida a obra "Un misterio embotellado" de Xurxo Pena Vázquez, do CEIP A Cristina, dotado con material cultural infantil en galego por valor de 100 euros. O xurado decidiu por unanimidade, pola calidade dos textos participantes, outorgar dous accésits que recaeron na obra "O mar de Razo" de Lara Otero Suárez do CEIP Fogar, dotado con material cultural infantil en galego por valor de 50 euros; e na obra "A guerra das mariscadoras" de Daniel García Torres, do CEIP Xesús San Luís Romero, dotado con material cultural infantil en galego por valor de 50 euros. Parabéns a todos e todas.

Máis abaixo pode verse en Youtube a obra gañadora do premio ao mellor Videopoema do Premio Fotopoético Carballo, mirando ao mar: "A miña avoa el", de María Rita Más Ybáñez.