PLANTACIÓN COLECTIVA O DOMINGO 20 NO REGO DA BALSA

O goberno municipal de Carballo conmemora o Día da Árbore cunha plantación de quince carballos na parroquia de Artes

Sábado 19 de marzo do 2016

O goberno municipal tamén expresou o seu apoio á celebración do Día da Árbore organizada para mañá domingo pola Asociación Ambiental Senda Nova nas beiras do Rego da Balsa. Senda Nova, que conta ademais coa axuda da Asociación de Veciños A Fonte Salgueira de Vilela-Entrecruces, realizará a partir das 11 horas unha plantación de árbores autóctonas na zona verde acondicionada polo Concello de Carballo xunto ao IES Parga Pondal.