AS INSCRICIÓNS CONTINÚAN ABERTAS ATÉ O 15 DE XUÑO

A proba 10K Carballo forma parte un ano máis do Circuíto de Carreiras Populares da Deputación da Coruña

Xoves 12 de maio do 2016

Imaxe da edición de 2015 da 10K Carballo (Foto: Ana García, La Voz de Carballo)

A carreira popular 10k Carballo volve a estar por cuarto ano consecutivo no Circuito Provincial de Carreiras Populares Deputación da Coruña, que consta dun total de 30 probas. Unha vez disputadas todas as citas outorgaranse premios individuais e por equipos para os participantes que acadasen os mellores resultados. A 10K Carballo, que se celebrará o domingo 19 de xuño, mantén o carácter gratuito da inscrición para as 1800 prazas totales entre as 1200 para o 10K e as 600 para as categorías inferiores, dende biberón ate xuvenil. Mantense o mesmo circuito homologado e o carácter de proba oficial da Federación Galega de Atletismo.

As inscricións admítense ate o día 15 de xuño de 2016 ou ata acadar as 1200 prazas nas categorías júnior, senior e veteranos, e as 600 no resto de categorías, respectivamente.

As formas e lugares de inscrición son:                 

• No web <www.championchipnorte.com>     
• No web <www.carballo.gal>, na ligazón creada ao respecto: aquí.

Galería