.jpg)
LUNS 23 DE MAIO ÁS 20.00 HORAS
O Fórum acolle unha xornada para informar sobre as liñas de axudas destinadas ao desenvolvemento sostible dos pobos costeiros
Venres 13 de maio do 2016
A cita está dirixida ao desenvolvemento de municipios costeiros
O Concello informa de que o Grupo de Acción Local do Sector Pesqueiro (GALP) Costa da Morte, organiza no Fórum Carbaballo unha xornada informativa para as persoas interesadas no programa de axudas para o noso territorio do FEMP 2014-2020, destinadas ao desenvolvemento sostible dos pobos costeiros. O programa está dotado cun total de 5.478.526 euros en axudas a fondo perdido para proxectos produtivos e non produtivos. A xornada forma parte dun ciclo de oito faladoiros que terán lugar por toda a Costa da Morte para informar destas axudas dos fondos europeos e que, ademais de Carballo, visitarán A Laracha, Malpica, Ponteceso, Cabana, Laxe, Vimianzo, Camariñas e Muxía.
A xornada informativa e as axudas están dirixidas a xente do mar, empresas transformadoras de produtos pesqueiros, hostaleiros, emprendedores, sectores auxiliares á pesca, empresarios e entidades de actividades náuticas ou relacionas co mar, asociacións do sector pesqueiro, redeiras, etc.
Para xente do mar, hostaleiros, emprendedores...
Están convidadas todas as persoas que desenvolvan actividades produtivas ou non produtivas relacionadas co mar e co medio ambiente
As liñas de actuación son o incremento do valor engadido dos produtos da pesca, actividades vinculadas ao mar, medioambiente, patrimonio do litoral, diversificación e mantemento da actividade vinculada ao marr, a competitividade sostible e reforzamento dos elementos medioambientais e patrimoniais do noso litoral, espacios temáticos do mar, capacitación e ampliación das competencias dos sectores económicos e sociais do noso territorio, etc.
A xornada, de balde e aberta a todos os interesados e interesadas, terá lugar no Fórum Carballo o luns 23 de maio a partir das 20.00 horas.
