INSCRICIÓNS, DE BALDE, ATÉ O 7 DE OUTUBRO

O Centro de Información á Muller organiza o obradoiro "Medrando: grupo de crianza", un espazo para a aprendizaxe de nais e pais

Venres 16 de setembro do 2016

Edificio de Servizos Sociais

A Concellaría de Igualdade e Benestar que dirixe Maica Ures, a través do Centro de Información á Muller (CIM), organiza o obradoiro "Medrando: Grupo de crianza", que ten como obxectivo crear un espazo para a aprendizaxe continua e o crecemento persoal como nais e pais. A actividade, de balde, realizarase en dúas citas mensuais -os venres de 19.00 a 21.00 horas- en sesións de dúas horas de duración entre o 14 de outubro e o 9 de xuño de 2017, durante a duración aproximada do curso lectivo.

O aforo máximo da actividade é de 15 familias con fillos ou fillas de entre 0 e 10 anos e as sesións serán os venres de 19 a 21h.

O aforo máximo da actividade é de 15 familias con fillos/as de entre 0 e 10 anos. As persoas interesadas en participar nesta actividade deben anotarse no CIM de Carballo, situado na praza Médico Eduardo Mariño s/n (no edificio de Servizos Sociais) en horario de luns a venres de 9.30 a 13.30 horas (teléfono 981 700 688), antes do 7 de outubro. As prazas adxudicaranse por rigorosa orde de inscrición.