.jpg)
Carballo acollerá o día 16 unhas xornadas sobre “Aspectos clave na redución do risco de inundación”
Augas de Galicia abre unha canle de participación para a cidadanía de cara á redacción do plan de minimización do risco de inundación do río Anllóns
Venres 10 de novembro do 2017 Carballo ao día
Augas de Galicia abre un proceso de participación cidadá de cara á redacción do Plan Específico para a Minimización do Risco na área de Risco Potencial Significativo de Inundación (ARPSI) do río Anllóns. Esa participación implica ás administracións, aos técnicos e á sociedade en xeral. E para eses tres colectivos van destinadas as xornadas que se celebrarán o día 16 no Fórum Carballo para abordar os “Aspectos clave na redución do risco de inundación”.
As xornadas serán inauguradas polo director xeral de Augas de Galicia, Roberto Rodríguez Martínez, e o alcalde de Carballo, Evencio Ferrero Rodríguez, ás 09.15 horas, e ao longo do día pasarán polo auditorio do Fórum especialists de distintas Administracións e entidades relacionadas coa xestión da auga, o urbanismo, o medio rural, a ordenación do territorio e a protección civil. O programa completo pode descargarse máis abaixo.
As persoas interesadas en participar teñen á súa disposición o correo electrónico xornadas-risco-inundacion@oceano-azul.es e o teléfono 981909012.