LITORAL

A praia de Razo acolle a fin de semana a ‘Ruta de los 10.000’ da Fundación Intervida

Martes 1 de agosto do 2006

O Interbús, vehículo articulado no que viaxa a campaña solidaria de Fundación Intervida, únese a Moviplaya coa intención de aproveitar a tempada estival e este espazo de ocio para que os visitantes pasen un rato divertido e, ao mesmo tempo, tomen conciencia da importancia da cooperación. Fundación Intervida ofrecerá aos pequenos e ás súas familias diversas actividades participativas como o Poblado Alegría’, con recortables para colorear cos que se formará un gran mural, o xogo de memoria Memory Vitaminix e puzzles, entre outros. Os visitantes do Interbús poden coñecer os proxectos de Fundación Intervida a través de documentais, exposicións fotográficas e a testemuña dos profesionais que traballan nos países onde está presente a organización, ademais de participar nun xogo solidario para todas as idades.