CULTURA

A vindeira semana comeza o prazo de admisión dos traballos do IX Certame Fotográfico Xosé Manuel Eirís

Xoves 28 de setembro do 2006

As obras deberán ter un formato comprendido entre 18 x 24 como mínimo e 30 x 40 como máximo. Irán montadas sobre cartón pluma ou soporte similar do mesmo tamaño da fotografía. A dotación total do premio é de 1.600 euros, establecéndose un primeiro premio de 600 euros e diploma, un segundo de 400 e diploma e o Premio Especial Carballo, dotado con 400 euros e diploma, á mellor fotografía que faga referencia directa ao municipio de Carballo en calquera dos seus aspectos. O xurado poderá conceder accésits por un importe de 200 euros. As obras presentadasao certame estarán asinadas cun pseudónimo e non poderá figurar nelas ningún nome nin referencia ao autor ou autora. Pola parte traseira do soporte de fotografía figurará o título da obra, as referencias do lugar onde foi tomada e a data na que se realizou, ademáis das teécnicas empregadas e, so o autor o considera preciso, indicará a verticalidade ou horizontalidade da imaxe fotografiada. Indicarase se a obra tamén se presenta ao Premio Especial Carballo. Cada traballo deberá ir acompañado dun sobre pechado que se pegará na parte traseira da fotografía e que conterá no seu interior o nome completo do outor ou autora, enderezo, teléfono, pseudónimo utilizado e título da obra presentada. Na parte externa do sobre figurará o nome da fotografía e pseudónimo empregado. Os traballos poderán presentarse no Rexistro Xeral do Concello, no Rexistro auxiliar de Cultura ou por correo certificado en sobre pechado.