CULTURA

O ‘Novembro con Música’ achega catro novos concertos para a fin de semana

Mércores 15 de novembro do 2006

O sábado 18 haberá xornada dobre. Pola mañán, a partir das 12,00 horas, terá lugar un concerto En familia, dirixido aos pais e nais e fillos e fillas, co que poderán desfrutar da música do quinteto de corda Pizzicato e o seu Pequeno Wolfgang. Xa pola noite, a partir das 21,00 horas, terá lugar o tradicional Festival de Corais, no que participarán o Coro Aires de Bergantiños, a Coral Polifónica de Bergantiños e a Coral Polifónica de Carballo. O grupo Cool Hámster pechará os actos previstos da vindeira fin de semana cun concerto de jazz o domingo, a partir das 20,00 horas.