Últimos días de preinscrición para a Escola ambiental Senda Nova - Concello de Carballo

Luns 13 de novembro do 2023

Ata o 15 de novembro está aberto o prazo de preinscrición para a 12ª Escola ambiental de Senda Nova - Concello de Carballo, que pretende achegar á rapazada o patrimonio natural e cultural da contorna, ademais de facilitar medios e fomentar destrezas para un mellor desenvolvemento dos nenos e das nenas nos entornos naturais, ademais de fomentar a agricultura ecolóxica.

Poden facer a súa preinscrición os rapaces e rapazas de Carballo que cursen 3º, 4º, 5º e 6º de primaria. O prazo está aberto ata o 15 de novembro, e os/as interesados/as poden dirixirse ao Espazo da Natureza de Oza de mércores a venres en horario de 17.00 a 20.00. O custo total é de 30 euros.

Máis información nos teléfonos 611 037 617 ou 611 037 614 ou tamén no e-mail sendanova@hotmail.com.