Toma nota dos cambios no tráfico previstos para estes días

Mércores 2 de outubro do 2024

A Concellaría de Mobilidade informa sobre os cambios no tráfico previstos para os vindeiros días:

• Con motivo das obras que leva a cabo Augas de Galicia, o paso peonil da Ponte da Casilla quedará pechado a partir do 3 de outubro para acometer a demolición das beirarrúas e o cambio dos servizos urbanísticos. 
• Na ponte da Lagoa avanzan os traballos da plataforma, e, tal como estaba previsto, a reapertura ao tráfico rodado e peonil está prevista para mediados deste mes. Coa finalidade de proceder ao aglomerado da vía de cara á súa apertura total ao tráfico, a partir das 14.00 horas do mércores 9 quedará pechado o paso peonil para realizar o xoves o formigonado das beirarrúas. Este paso peonil quedaría aberto de novo a última hora da tarde do vernes.
• A partir do luns quedará pechada a rúa Portugal para proceder á reforma integral da vía. Polo mesmo motivo, e dadas as características da rúa, non poderá accederse aos garaxes. A partir das 14.00 horas do mércofres quedará pechado ao tráfico rodado un treito da rúa Vázquez de Parga. Os vehículos procedentes de Emilia Pardo Bazán poderán incorporarse con normalidade á travesía principal, e os procedentes de Vázquez de Parga terán que desviarse por Emilia Pardo Bazán.