O concerto de bandas sonoras da Banda Municipal de Música abre a programación do CMUS para febreiro

Martes 4 de febreiro do 2025 Educación Conservatorio

A Banda Municipal de Música de Carballo abrirá a programación do Conservatorio Profesional de Música do Concello de Carballo cun concerto que non só ten enchido o auditorio, senón tamén a Praza do Concello mesmo baixo a chuvia. As bandas sonoras de películas coñecidas por todo o público volverán soar este sábado 8 de febreiro no renovado auditorio do Pazo da Cultura. O concerto empezará ás 19.30 horas e a entrada será libre e de balde, ata completar a capacidade. Coa actuación da banda arrinca a programación de febreiro, que inclúe concertos e audicións ata o día 28.

Día 13, ás 19.00 horas. Audición de trompa (salón de actos)
Día 14, ás 19.00 h. Audición de guitarra (aula 13)
Día 17, ás 19.00 h. Audición de frauta (salón de actos)
Día 18, ás 19.00 h. Audición de trompeta e trombón (salón de actos)
Día 19, ás 17.00 h. Audición de cello e acordeón (salón de actos)
Día 20, ás 18.00 h. Audición de saxofón (salón de actos)
Día 25, ás 18.00 h. Audición de clarinete (salón de actos)
Día 27, ás 17.45 h. Audición do departamento de vento madeira (salón de actos)
Día 28, ás 18.00 h. Audición de Entroido (salón de actos)