PROXECTOS
Martes 1 de xullo do 2008
O Concello de Carballo está ultimando os trámites que permitirán asinar o convenio para a mellora da travesía de Malpica da capital municipal. O Alcalde de Carballo, Evencio Ferrero, e o Concelleiro de Urbanismo e Medio Ambiente, José Antonio Viña, mantiveron hoxe -1 de xullo- unha reunión co delegado da Consellería de Política Territorial, Alberto González Fernández, na que se pecharon moitos dos detalles desta actuación.
COMITÉ DE IRMANAMENTO
Luns 30 de xuño do 2008
Unha nutrida representación do Concello de Carballo achegarase esta semana ata a localidade francesa de L’Isle Jourdain, coa que o municipio está irmandado dende novembro de 1994, para estreitar aínda máis os vencellos que existen entre ambas vilas. A comitiva chegará a Francia este mércores -2 de xullo-, mentres que o Alcalde, Evencio Ferrero, unirase á visita ao día seguinte.
DEPORTES
Venres 27 de xuño do 2008
O pleno da Deputación da Coruña aprobou hoxe -27 de xuño- o proxecto para a mellora do campo anexo das Eiroas. Esta actuación forma parte da segunda fase do programa de creación de campos de fútbol de herba artificial que recibiu o visto e prace nunha sesión ordinaria do pleno provincial. Esta mellora ten un orzamento que ronda os 400.000 euros.
REMATE DOS FESTEXOS
Venres 27 de xuño do 2008
A xa tradicional Festa do Bosque será a que peche este domingo -29 de xuño- o programa de festas do San Xoán 2008. Durante todo o día haberá un amplo abano de actividades para todas as idades, con actuacións musicais e diversos concursos. A Peña Gastronómica ‘Os larpeiros’ é a encargada de organizar esta cita, que está patrocinada pola Comisión de Festas e que ten lugar no Bosque do Añón.
SESIÓN PLENARIA
Venres 27 de xuño do 2008
O pleno carballés abordará na sesión plenaria ordinaria que se celebra o próximo luns -30 de xuño- a cesión de terreos ao Consorcio Galego de Servizos de Igualdade e Benestar para a creación dunha nova escola infantil (Galescola) no entorno do polígono urbano 19 da capital municipal, situado nas inmediacións da estrada de Razo.
NOVAS TECNOLOXÍAS
Xoves 26 de xuño do 2008
A Xunta de Goberno Local aprobou esta semana a implantación de dous puntos dixitais de información pública. Trátase de dúas pantallas xigantes que se situarán en dúas céntricas rúas da capital municipal e nas que os cidadáns poderán recibir información puntual sobre o Concello.
DEPORTES ACUÁTICOS
Luns 23 de xuño do 2008
O Campionato de España de Verán Alevín, Infantil e Cadete diputarase en Carballo os vindeiros días 26 e 27 de xuño. Nesta cita, organizada pola Federación Española de Salvamento e Socorrismo (FESS), participarán 400 deportistas de todo o territorio estatal pertencentes a un total de 25 clubs. Galicia estará representada por catro equipos, un dos cales é o Sysca de Carballo.
XUNTA DE GOBERNO LOCAL
Luns 23 de xuño do 2008
A Xunta de Goberno Local (XGL) do Concello de Carballo -reunida hoxe, 23 de xuño- aprobou a adxudicación de dúas obras de saneamento por un importe conxunto de preto de 82.000 euros. Os traballos executaranse no lugar de Cernide e na parroquia de Oza nos vindeiros meses.
PROTECCIÓN CIVIL
Venres 20 de xuño do 2008
Dende esta semana o Grupo Municipal de Intervención Rápida (Grumir) de Carballo conta con 12 novos traballadores -tres capataces e nove peóns especialistas- que reforzan o servizo para crear unha agrupación de quince compoñentes que atenderá as emerxencias do concello e da comarca de Bergantiños ata marzo de 2009.
CONVENIO MUSICAL
Venres 20 de xuño do 2008
O Alcalde de Carballo, Evencio Ferrero e a Concelleira de Cultura, Belén Lendoiro, asinaron hoxe -día 20 de xuño- xunto aos representantes das agrupacións musicais do municipio o Convenio de Actuacións en favor de grupos de música e danza tradicional, masas corais, orquestras, conxuntos e bandas de música para o presente ano 2008. Nesta ocasión, o Goberno Local destinará 18.400 euros á promoción da actividade musical.
PROGRAMA DE FESTAS DO SAN XOÁN 2008
Venres 20 de xuño do 2008
Carballo converterase hoxe pola noite nun punto de encontro inevitable para todos os e as amantes do mellor rock & roll coa celebración do concerto Rockin. Este evento, que se enmarca dentro do programa das festas do San Xoán, traerá a Carballo o son do mítico grupo de surf-rock The Trashmen, que compartirá cartel con outras formacións consagradas coma os 'primitivos' The Neanderthals ou os irreverentes The Dirtbombs. Abrirán o concerto Las Membranas e Los Coronas, dúas bandas nacionais con moita proxección.
NOVAS TECNOLOXÍAS
Xoves 19 de xuño do 2008
O Concello de Carballo conta desde hoxe, 19 de xuño, cun Telecentro de comunicación integrado na Rede Galega, un servizo público gratuíto financiado pola Secretaría Xeral de Comunicación -coa colaboración da Administración local- que pon á disposición da cidadanía un espazo de acceso a Internet onde se poden realizar vídeo conferencias, acceder a material audiovisual de alta definición ou ata organizar eventos que requiran ferramentas de alta tecnoloxía.
.jpg)