.jpg)
Inicio Carballo ao día Hemeroteca
Venres 4 de abril do 2008
O Concello solicitou á Deputación da Coruña a concesión de prazas para poder participar no programa 'Vivir o mundo: Vivir Europa', que este ano levará a menores de 10 a 14 anos da provincia a visitar a Expo da Auga de Zaragoza.
Xoves 3 de abril do 2008
Os afeccionados ao baloncesto de Carballo están esta fin de semana de noraboa. Porque a cidade bergantiñán acollerá os días 5 e 6 de abril a fase final cadete masculina deste deporte, na que os clubs locais Placasa E.B.X e Artai medirán o seu potencial fronte ao San Rosendo 'A' de Ferrol e o Compañía de María 'A' da Coruña.
Mércores 2 de abril do 2008
Os Concellos de Carballo, A Laracha e Arteixo asinaron un convenio para colaborar na prestación do servizo do Noitebús 2008. Este acordo foi anunciado nunha comparecencia pública conxunta do concelleiro de Promoción Económica de Carballo, Xosé Manuel García Guillín, xunto ao alcalde da Laracha e a concelleira de Xuventude de Arteixo.
Martes 1 de abril do 2008
O Concello de Carballo resultou elexido pola Consellería de Sanidade da Xunta de Galicia para participar na iniciativa 'Concellos Saudables', enmarcada no 'Programa Galego de Actividades Saudables, Exercicio e Alimentación' (PASEA). O Goberno galego aportará 50.000 euros á Administración Local bergantiñá para o desenvolvemento do seu proxecto 'Carballo Saudable', tras ser seleccionado coma un dos 17 mellores dos 58 presentados de toda Galicia.
Luns 31 de marzo do 2008
Aínda que o dito popular asegura que ninguén é profeta na súa terra, o Club Fogar Triatlón Carballo rachou esta máxima na proba de duatlón escolar celebrada o domingo día 30 de marzo no municipio bergantiñán. Porque obtivo seis medallas, igual rexistro que o acadado polo Triatlón Bricosa de Santiago de Compostela.
Venres 28 de marzo do 2008
A conselleira de Política Territorial, a socialista María José Caride, anunciou hoxe en Carballo a inmediata adxudicación das obras do tramo do vial de alta capacidade da Costa da Morte entre Carballo e Berdoias (Vimianzo), que nestes 42 quilómetros será unha autovía.
Venres 28 de marzo do 2008
A proba de duatlón escolar reunirá o domingo pola mañá a preto de 100 participantes das categorías alevín, infantil e cadete nos arredores do polígono de Bértoa. A competición combinará as disciplinas deportivas de carreira de fondo e bicicleta e comezará ás 11.00 horas.
Xoves 27 de marzo do 2008
O Concello de Carballo e o Centro Comercial Aberto (CCA) de Carballo renovarán mañá, día 28 de marzo, a colaboración que manteñen desde xuño do ano 2002 coa sinatura dun novo convenio. O acto terá lugar na Casa do Concello ás 13.30 horas.
Mércores 26 de marzo do 2008
A programación dos Venres Culturais, que organiza o Concello de Carballo, ofrece o domingo día 30 de marzo a función teatral 'Sombreiros de chapeu', da compañía 'Tanxarina Títeres'. A actuación terá lugar no auditorio do Pazo da Cultura a partir das 18.00 horas e o prezo das entradas será de 2,5 euros (ordinario) e 2 (reducido). Este espectáculo forma parte do ciclo 'En Familia'.
Martes 25 de marzo do 2008
O programa ‘Aprender para Educar’ retoma a súa actividade tras as vacacións de Semana Santa cun obradoiro sobre sexualidade que se impartirá en tres venres consecutivos (28 de marzo e 4 e 11 de abril) no Pazo da Cultura en idéntico horario: 20.00 horas.
Luns 24 de marzo do 2008
O presidente da Xunta de Galicia, Emilio Pérez Touriño, compromoteuse hoxe en Carballo a mellorar as comunicacións do municipio e de toda a comarca da Costa da Morte durante a súa primeira visita institucional á cidade bergantiñá desde que accedera ao Pazo de Raxoi hai tres anos.
Martes 18 de marzo do 2008
O Concello de Carballo, no seu afán por promover e prestixiar o emprego social da lingua galega, convocou a cuarta edición do 'Premio a Artigos Xornalísticos Normalizadores'. Este certame concederá dous premios: de 1.000 e 350 euros, ademais de posibilitar a publicación dos dous artigos gañadores nos nove medios de comunicación escrita que colaboran nesta iniciativa.