.jpg)
Inicio Carballo ao día Hemeroteca
Luns 4 de febreiro do 2008
A Concellería de Obras e Servizos, responsabilidade de Lois Lamas, está a executar o ancheamento do vial que une Caión con Baldaio ao seu paso polo lugar de Imende, na parroquia de Noicela. Con esta actuación, o Concello de Carballo eliminará un paso estreito nunha estrada que rexistra un gran tráfico, sobre todo no verán, e que colapsaba a circulación.
Venres 1 de febreiro do 2008
A Concellería de Turismo do Concello de Carballo, responsabilidade de Xosé Manuel García Guillín, puxo en marcha unha campaña co obxectivo de mellorar a sinalización turística e contribuir así á potenciación da posta en valor do patrimonio artístico, cultural e paisaxístico do municipio.
Xoves 31 de xaneiro do 2008
A conselleira de Cultura, Ánxela Bugallo, desprazarase mañán -1 de febreiro- ata Carballo para participar a partir das 20.00 horas na inauguración das obras de reforma e ampliación do Centro Social de Berdillo. Ao acto asistirán tamén o director xeral de Creación e Difusión Cultural, Lois Bará; a delegada provincial de Cultura, Milagres Lantes; o alcalde de Carballo, Evencio Ferrero, e a concelleira de Cultura, Belén Lendoiro.
Mércores 30 de xaneiro do 2008
O Concello de Carballo, en colaboración coa Rede de Dinamización da Sociedade da Información, abre a inscrición para os dous obradoiros de 12 horas de duración cada un deles que se desenvolverán durante o mes de febreiro na Aula Informática, sita na Ludoteca Infantil. Os cursos son Iniciación á Informática e Iniciación a Internet con saúde.
Martes 29 de xaneiro do 2008
As brigadas de Medio Ambiente do Concello de Carballo rematarán durante a primeira semana de febreiro a campaña de mantemento e limpeza de fontes e lavadoiros. Os operarios municipais traballan agora en Sísamo, despois de ter atendido á totalidade das parroquias do municipio durante os últimos tres meses.
Martes 29 de xaneiro do 2008
A Corporación Local de Carballo aprobou durante a última sesión plenaria, celebrada o día 28 de xaneiro, un proxecto de obra para mellorar o campo de fútbol anexo das Eiroas. Estes traballos suporán un investimento de preto de 600.000 euros e contribuirán a aumentar a calidade das instalacións deportivas municipais.
Martes 29 de xaneiro do 2008
O polígono industrial de Bértoa acolle unha unidade móbil da Inspección Técnica de Vehículos (ITV) para realizar a revisión dos ciclomotores de máis de tres anos. É a primeira vez que esta operación é obrigatoria para este tipo de vehículos en Galicia. No mes de xaneiro a revisión é obrigatoria para os ciclomotores coa matrícula rematada en 0, en febreiro para os que a teñan rematada en 1 e así sucesivamente coas placas rematadas en 2, 3, 4, 5, 6, 7, 8 e 9 cada mes do ano ata outubro. Neste caso, a cita é o venres 30 de xaneiro en horario de 9.00 a 13.30 e de 15.30 a 18.00 horas. Non é necesario solicitar cita previa.
Luns 28 de xaneiro do 2008
A Corporación Local de Carballo celebra hoxe -28 de xaneiro de 2008- a sesión ordinaria do Pleno a partir das 20.30 horas. Un dos puntos que se debatirá na orde do día será a desafectación da parcela municipal sita na rúa Carballo Calero para poder destinala á construción da primeira das dúas 'galescolas' que a Vicepresidencia da Igualdade e do Benestar da Xunta de Galicia se comprometeu a cofinanciar no municipio.
Venres 25 de xaneiro do 2008
Os afeccionados ao ciclismo de Carballo viviron hoxe, día 25 de xaneiro, unha xornada única. Porque todo un campión do Tour de Francia visitou o municipio para darse un bano de multitudes no salón de actos do Pazo da Cultura, que estivo ateigado de xente. Este evento -'Encontro no cumio con Óscar Pereiro'- estivo organizado pola Asociación Cultural Lumieira en colaboración con Concello.
Xoves 24 de xaneiro do 2008
As concelleiras de Cultura, Belén Lendoiro, e de Terceira Idade, Lourdes Rey, presentaron hoxe -24 de xaneiro- ás 13.00 horas no Pazo da Cultura a programación do Entroido 2008. Ambas as dúas áreas, ademais da de Seguridade Cidadá, colaboran na organización desta festa tradicional; así coma diferentes asociacións culturais e veciñais do municipio. A intención do Concello é implicar á cidadanía para que participe de forma masiva na celebración do Carnaval.
Xoves 24 de xaneiro do 2008
O alcalde de Carballo, Evencio Ferrero, e o concelleiro de Medio Ambiente, José Antonio Viña, reuníronse en Compostela co director xeral de Desenvolvemento Sostible da Xunta, Emilio Manuel Fernández Suárez. O motivo deste encontro foi comezar a traballar nun pioneiro proxecto medioambiental chamado 'Ber2015/ Vilas Sostibles' que aglutinará a cinco municipios de Bergantiños: Carballo, Coristanco, Malpica, A Laracha e Ponteceso. Na xuntanza estiveron presentes os rexedores locales de todos estes Concellos.
Mércores 23 de xaneiro do 2008
Unha delegación da Asociación de Empresarios Galegos de Uruguay (AEGU) visitirá mañán, venres 25 de xaneiro, Carballo. O Goberno local ofrecerá unha recepción oficial á comitiva e porá en contacto ao sector empresarial da comarca cos industriais suramericanos, moitos deles con raíces no municipio. O programa da xornada inclúe diferentes actividades que misturarán o turismo coa posta en común de ideas e proxectos entre os empresarios de ambos os dous lados do Atlántico.