A ASOCIACIÓN PROFESIONAL DO SECTOR TURÍSTICO DA COSTA DA MORTE (APTCM) PRETENDE DIVULGAR A GASTRONOMÍA DA COMARCA
Sábado 19 de xaneiro do 2008
'De Gusto 2008' é unha xornada de exaltación dos produtos gastronómicos da Costa da Morte que organiza o día 21 de xaneiro en Madrid a Asociación Profesional do Sector Turístico da Costa da Morte (APTCM). Carballo achegará a este encontro o seu mellor pan e estará representado polo concelleiro de Promoción Económica, Xosé Manuel Guillín, e por un membro dos panadeiros que fabrican pan artesanal no municipio.
A CONCELLERÍA DE CULTURA PRESENTOU UN PROGAMA CUNHA OFERTA VARIADA QUE INCLÚE NOVIDADES CON RESPECTO A OUTRAS EDICIÓNS
Venres 18 de xaneiro do 2008
Durante os meses de xaneiro, febreiro, marzo e abril, os Venres Culturais 2008 ofrecerán cando menos un espectáculo ou actividade semanal. A concelleira de Cultura de Carballo, Belén Lendoiro, e o alcalde, Evencio Ferrero, presentaron o día 17 de xaneiro o programa desta iniciativa, que vai dirixido a todo tipo de públicos e que abarca diferentes disciplinas artísticas.
AS EMPRESAS E COMUNIDADES VECIÑAIS INTERESADAS NA PRESTACIÓN DESTE NOVO SERVIZO, DEBEN SOLICITALO CHAMANDO AO 981 704 100
Xoves 17 de xaneiro do 2008
O Concello de Carballo ofrece un novo servizo gratuito de recollida de aceite de cociña usado a hostaleiros e comunidades veciñais cun mínimo de oito vivendas. A prestación do mesmo, que xestionará a concellería de Medio Ambiente, realizarase a través dunha empresa especializada no tratamento deste tipo de residuos.
AS PERSOAS INTERESADAS EN APUNTARSE NESTA INICIATIVA, QUE SE IMPARTIRÁ O 4 E O 5 DE FEBREIRO, PODEN FACELO ATA O 25 DE XANEIRO
Mércores 16 de xaneiro do 2008
Aforrar cartos en combustible na actual etapa de carestía dos carburantes é posible. As persoas interesadas en saber cómo facelo teñen a oportunidade de inscribirse nalgunha das catro quendas nas que se impartirá o curso de condución eficiente que se desenvolverá no Pazo da Cultura de Carballo os días 4 e 5 de febreiro en horario de mañán ou de tarde. Esta actividade formativa, na que colabora a Concellería de Xestión Municipal, responsabilidade de Benedito Viña, é gratuita. Os interesados en apuntarse poden facelo no Concello ata o día 25 de xaneiro.
GARCÍA GUILLÍN EXPLICA QUE ESTA INICIATIVA SITÚA A CARBALLO Á VANGARDA NA APLICACIÓN DA TECNOLOXÍA Á ADMIMISTRACIÓN LOCAL
Mércores 16 de xaneiro do 2008
O Concello de Carballo investirá durante este ano preto de 200.000 euros no desenvolvemento de 'Territorionet'. Este proxecto tecnolóxico sitúa ao municipio "na vangarda estatal de aplicación das novas tecnoloxías á xestión municipal", según explicou o concelleiro de Promoción Económica, Xosé Manuel García Guillín, durante a presentación da iniciativa está mañán na Casa do Concello. Ao acto asistiron tamén o alcalde, Evencio Ferrero, e o concelleiro de Urbanismo, José Antonio Viña.
AS DÚAS INSTALACIÓNS DEPORTIVAS RECUPERARON A SÚA ACTIVIDADE DESPOIS DOS TRABALLOS QUE ELEVARON AS SÚAS PRESTACIÓNS
Martes 15 de xaneiro do 2008
Os usuarios do pavillón de Bergantiños e do campo de fútbol das Eiroas están a desfrutar xa das melloras que o Concello de Carballo realizou en ambas as dúas instalacións deportivas. No primeiro caso, as obras consistiron na subsitución do pavimento. No segundo, na instalación dun céspede artificial de última xeración e dun novo sistema de rego, así coma na dotación de novo equipamento.
OS ESFORZOS DA POLICÍA LOCAL "DERON OS MELLORES RESULTADOS", DESTACOU O CONCELLEIRO DE XESTIÓN MUNICIPAL, BENEDITO VIÑA
Martes 15 de xaneiro do 2008
O concelleiro de Xestión Municipal, Benedito Viña, amosou hoxe a súa satisfacción pola eficacia que tivo a Campaña de Seguridade de Nadal, que se desenvolveu entre o día 22 de decembro de 2007 e o 5 de xaneiro do presente ano. Os esforzos da Policía Local para aumentar a seguridade nas rúas máis concorridas e nos establecementos comercias do casco urbán "deron os mellores resultados", precisou Viña Costa.
O CONSELLEIRO DE TRABALLO, RICARDO VARELA, PRESENTOU HOXE UN PLAN QUE CONTARÁ CUNHA INVERSIÓN DE 15 MILLÓNS DE EUROS ESTE ANO
Luns 14 de xaneiro do 2008
O alcalde, o nacionalista Evencio Ferrero, confirmou que o Concello se adherirá ao Pacto Territorial de Emprego da Costa da Morte presentado hoxe, 14 de xaneiro, polo conselleiro de Traballo, Ricardo Varela. Este plan prevé un investimento de 15 millóns de euros durante o presente ano 2008 nos 18 municipios que a Xunta encadra dentro da área da Costa da Morte.
GONZALO RABUÑAL, CORREDOR PROFESIONAL DO KARPIN GALICIA, E PEPE XAGARÓS, RESPONSABLE DE 'MARKETING', PARTICIPARON NA ACTIVIDADE
Martes 8 de xaneiro do 2008
Dentro das actividades que promove o Concellería de Deportes de Carballo para fomentar a práctica deportiva entre todos os sectores de idade do municipio, o luns día 7 de xaneiro celebrouse na vila o 'I circuito de ciclismo escolar'. Uns 30 nenos e nenas de entre 6 e 15 anos participaron nesta xornada, que se celebrou a primeira hora da tarde na praza do Concello.
OS CENTROS QUÉROTE, DA DIRECCIÓN XERAL DE XUVENTUDE, ORGANIZARON A ACTIVIDADE E PROMOVERÁN OUTRAS AO LONGO DO 2008
Xoves 3 de xaneiro do 2008
O concelleiro de Xuventude de Carballo, Marcos Trigo, fixo un balance "moi positivo" do obradoiro de sexualidade 'Escribe o teu guión, se o protagonista da túa historia', que se impartiu nos derradeiros días do ano 2007 e no cal participaron un total de 21 persoas. Esta actividade formativa estivo organizada polos Centros Quérote, da Dirección Xeral de Xuventude, en colaboración co Concello.
AS MEDIDAS DE PREVENCIÓN E VIXIANCIA QUE A CONCELLERÍA DE XESTIÓN MUNICIPAL DESENVOLVE DESDE O 22 DE DECEMBRO REMATAN O DÍA 5
Mércores 2 de xaneiro do 2008
A Concellería de Xestión Municipal desenvolve desde o pasado día 22 de decembro e ata o 5 de xaneiro a campaña de seguridade de Nadal. Coa mesma, o Concello de Carballo pretende, a través da vixiancia e da prevención, mellorar todos os aspectos relacionados coa seguridade pública nestas semanas festivas. "Ata o de agora non se rexistraron incidencias de importancia e iso quere dicir que a campaña está a ser efectiva", confirma Benedito Costa, concelleiro de Xestión Municipal.
A INICIATIVA PARTE DAS CONCELLERÍAS DE TERCEIRA IDADE E DEPORTES E ESTÁ A TER UN GRAN ÉXITO TANTO NO ÁMBITO URBANO COMA NO RURAL
Venres 28 de decembro do 2007
Máis de 300 persoas participan na actualidade no Programa de Exercicio Físico para Maiores de 60 anos do Concello de Carballo, que organizan de forma conxunta as Concellerías de Terceira Idade e Deportes. Esta iniciativa, que está a ter un gran éxito tanto no ámbito urbano coma no rural, ten como obxectivo primordial elevar a calidade de vida das persoas anciáns mediante a práctica dun exercicio moderado.
.jpg)