MANTEMENTO E LIMPEZA DE PISTAS
Mércores 10 de outubro do 2007
Os traballadores da brigada de Medio Ambiente do Concello de Carballo encárganse estes días do traballo de limpeza de cunetas nas pistas forestais do termo municipal. A maiores de outros beneficios que supón, como o aumento da visibilidade para o tráfico, esta intervención está enfocada á prevención de incendios forestais, un perigo que se intensifica nestes momentos pola falta de chuvia das últimas semanas.
OS ENCONTROS DESPUTARANSE NOS PAVILLÓNS BERGANTIÑOS E ZONA ESCOLAR
Martes 9 de outubro do 2007
Esta mañá tivo lugar na Casa do Concello de Carballo a presentación do III Torneo de Basket Festas do Pilar, que terá lugar este venres día 12 e o sábado día 13 e no que partiparán, entre outros equipos, as seleccións galegas, tanto masculinas como femininas, nas categorías de alevín, infantil e cadete.
RECUPERACIÓN E POSTA EN VALOR DO PATRIMONIO NATURAL DE CARBALLO
Luns 8 de outubro do 2007
Os traballadores da brigada de Medio Ambiente do Concello de Carballo iniciaron os traballos de limpeza e acondicionamento das beiras do río Anllóns no treito comprendido entre A Ponte e o Bosque do Añón.
A CONCELLERÍA DE SERVIZOS PUXO TAMÉN EN MARCHA A LIMPEZA DE BEIRARRÚAS
Venres 5 de outubro do 2007
A Brigada de Medio Ambiente do Concello de Carballo comezou cos novos traballos de limpeza e acondicionamento da Férveda de Entrecruces e do seu entorno. Eses labores, que forman parte dunha campaña de limpeza dos lavadoiros e fontes do concello, fanse con regularidade por parte dos operarios municipais co fin de preservar e por en valor o patrominio natural e etnográfico do concello.
OS AXENTES DA POLICÍA LOCAL CONTINÚAN IGUALMENTE COA CAMPAÑA DE INSPECCIÓN
Venres 5 de outubro do 2007
Despois de que a Policia Local de Carballo detectase a colocación dunha serie de vaos permanentes sen autorización legal nas pasadas semanas, a Concellaría de Tráfico comezou xa a remitir por correo certificado as primeiras ordes de retirada a un total de 46 particulares que incumpren a normativa municipal ao carecer de licenza. Os axentes, pola súa banda, continúan realizando inspeccións para detectar outros casos similares.
BALANCE MENSUAL
Luns 1 de outubro do 2007
O balance das intervencións ás que tivo que facer fronte o Grupo Municipal de Intervención Rápida de Carballo durante o pasado mes de setembro recolle un total de 144 intervencións das cales 33 se corresponderon con situacións de emerxencia.
NO PAZO DE CULTURA DO 7 DE OUTUBRO AO 1 DE NOVEMBRO
Venres 28 de setembro do 2007
A través de oito montaxes de prestixio, representadas por outras tantas compañías de ampla traxectoria do teatro galego e internacional, e dun nutrido programa de actividades no que o humor tamén será protagonista, a XVI edición do Festival Internacional Outono de Teatro presentou a súa programación nun acto que contou con representantes da propia organización, do Concello de Carballo, da Consellería de Cultura, da Deputación Provincial e doutras entidades que colaboran na posta en marcha dun proxecto que xa se converteu nun símbolo de identidade para Carballo.
CAMPAÑA DE CONTROL DE VAOS
Martes 25 de setembro do 2007
O corpo de axentes da Policía Local de Carballo leva a cabo estes días unha campaña de inspección para detectar a colocación irregular de vaos permanentes nas entradas de determinados locais, garaxes na maioría dos casos. Os vaos que contan con autorización legal son os que teñen na parte superior da placa a referencia do Concello de Carballo e, na inferior, o número de licenza municipal concedida.
O ACTUAL EXECUTIVO CONFÍA EN INICIAR O ANTES POSIBLE OS TRÁMITES NECESARIOS PARA DESEÑAR O PLAN XERAL DE ORDENACIÓN MUNICIPAL
Luns 24 de setembro do 2007
Transcorridos cen días desde a celebración dos comicios municipais de 2007, o alcalde de Carballo, Evencio Ferrero, e o seu socio de goberno, o Concelleiro de Urbanismo José Viña, reuniron aos medios de comunicación locais para trazar as liñas que van definir o seu traballo no futuro, ao tempo que trasladaron a imaxe dun goberno no que non falta colaboración e o bo entendemento.
O PROGRAMA VAI DIRIXIDO A TODOS/AS OS/AS VECIÑOS/AS DO CONCELLO MAIORES DE 60 ANOS
Xoves 20 de setembro do 2007
A Concellaría de Deportes do Concello de Carballo mantén aberto ata este venres, día 21 de setembro, o prazo de inscrición para o programa de actividades físicas para maiores, que se desenvolverá en horario de mañá e de xeito totalmente gratuíto. Todas as persoas interesadas poden anotarse no Concello de Carballo en horario de 9 a 14 horas.
O PRESUPOSTO DESTA OBRA ASCENDE A 60.000 EUROS
Xoves 20 de setembro do 2007
A zona verde comprendida entre a área de aparcadoiro e a praia de Razo vai contar proximamente cunha área recreativa para nenos e nenas especialmente adaptada para aqueles que presenten algún tipo de minusvalía.
VENRES 21 E SÁBADO 22 DESETEMBRO NA CERVEXERÍA DUBLÍN A PARTIR DAS 22:00 HORAS
Xoves 20 de setembro do 2007
A Casa do Concello de Carballo acolleu onte a presentación da X edición do festival Xiriapop, que este ano ten como protagonistas aos ingleses The Pirates e ao irlandés Bap Kennedy. Con eles estarán, nos días 21 e 22 de setembro na Cervexería Dublín de Carballo, os galegos Portrait; os mallorquíns La Granja; os madrileños Tin Solier Band, Los Chicos, e The Right Ons e os murcianos The Runarounsd.
.jpg)