EDUCACIÓN CONCEDE A REIMPLANTACIÓN
Venres 15 de xuño do 2007
A entrevista que o alcalde de Carballo, Evencio Ferrero, e a dirección do IES Monte Neme mantiveron hai uns meses co Director Xeral de Formación Profesional e Ensinanzas Especiais acaba de dar os seus froitos. A Consellería de Educación e Ordenación Universitaria ven de aceptar a reimplantación do ciclo medio de Equipos Electrotécnicos de Consumo no centro carballés.
UNHA AXUDA DE 300.000 EUROS
Venres 15 de xuño do 2007
O Concello de Carballo ven de recibir da Consellería de Presidencia, Administracións Públicas e Xustiza a nova da concesión dunha axuda que ten por obxecto acondicionar o edificio do antigo ambulatorio para instalar nel o departamento de Servizos Sociais. Este traslado permitirá ao goberno local proseguir na descentralización dos servizos administrativos municipais e dinamizar unha nova zona do casco urbano.
LABORES DE MANTEMENTO
Xoves 14 de xuño do 2007
O Concello de Carballo iniciou esta semana unha nova campaña de desbroce para a prevención de incendios e limpeza de camiños. A pretensión destes traballos é deixar limpos arredor de 500 quilómetros de marxes viarias nos vindeiros meses.
INVESTIGACIÓN
Xoves 14 de xuño do 2007
Membros da Policía Local do Concello de Carballo investigan nestes días a autoría dun roubo que tivo lugar recentemente no punto limpo carballés e tralo que desapareceron todas as rodas dos contenedores de lixo que o Concello almacenaba nestas instalacións.
PANEIS EMPRESARIAIS
Mércores 13 de xuño do 2007
O Observatorio Económico Local de Carballo organizou o xoves 13 de xuño unha nova mesa redonda que levou por título Panel de Comercio Exterior. Neste novo encontro, incluído no ciclo Paneis Empresariais, representantes de diferentes institucións e empresas debateron sobre a situación actual da actividade exportadora. Foi ás 18:00 horas no Salón de Plenos do Concello de Carballo.
PROGRAMAS DE COOPERACIÓN
Luns 11 de xuño do 2007
A Consellería de Traballo da Xunta de Galicia ven de adxudicarlle ao Concello de Carballo unha subvención destinada á contratación de tres traballadores desempregados por un período de seis meses. Un deles vai desempeñar o seu labor no Centro de Información á Muller mentres que os outros dous o farán na Casa dos Oficios, un na perfilería de aluminio e o outro no cerramento exterior de naves.
XUNTA DE GOBERNO LOCAL
Luns 11 de xuño do 2007
Entre os diferentes acordos alcanzados na sesión ordinaria do luns 11 de xuño, a Xunta de Goberno Local do Concello de Carballo resolveu a adxudicación do contrato de ampliación das obras do paseo fluvial do río Anllóns, por un importe de 191.400 euros, e maila dos traballos de apertura de camiños en Baldaio, por 50.344. Os prazos de execución serán, respectivamente, de 6 meses e de 60 días a partir da sinatura das correspondentes actas de replanteo.
MEDIO AMBIENTE
Mércores 6 de xuño do 2007
Máis dunha trintena de alumnos de ASPABER volveron a participar este mércores, 6 de xuño, na limpeza do litoral carballés, con motivo da celebración do Día Mundial do Medio Ambiente. Se onte o alumnado facía a limpeza no areal de Razo, hoxe desprazouse a Baldaio, a Lagoa e Pedra do Sal para continuar a posta a punto do litoral antes do comezo, o vindeiro sábado, da temporada de praias.
OBRAS
Mércores 6 de xuño do 2007
O Concello de Carballo ven de iniciar a posta a punto dos dous aparcamentos gratuitos que se utilizan de xeito provisional no casco urbán da localidade. Son os situados en Rego da Balsa, detrás da antiga estación de autobuses, e na Horta do Casino. Os traballos iniciáronse onte no aparcamento situado detrás da antiga estación de autobuses, xa que é o que o que se atopa en peores condicións para o seu uso.
BALANCE MENSUAL
Martes 5 de xuño do 2007
O Grupo Municipal de Intervención Rápida de Carballo tivo que participar en 17 emerxencias durante o pasado mes de maio, que arroxou un total de 91 intervencións. No tocante ás emerxencias, destacan en Carballo 12 por accidentes de tráfico e limpezas, 1 excarceración, 1 por incendios urbáns, 1 incendio nun colector, 1 escape de gas e a colaboración nun incendio forestal en Coristanco.
MEDIO AMBIENTE
Martes 5 de xuño do 2007
Como xa ocorrera hai un ano, 32 alumnos de ASPABER participaron este 5 de xuño, Día Mundial do Medio Ambiente, nunha xornada de limpeza da praia de Razo. Mañá mércores continuará a limpeza no areal de Baldaio, guiada por catro monitores que acompañaron ao alumnado en todo momento durante esta xornada. A praia de Razo presenta xa un bo estado para o comezo da temporada de praias, prevista para o vindeiro sábado 9 de xuño.
NOVAS TECNOLOXÍAS
Martes 5 de xuño do 2007
Carballo PortaAberta, o modelo de administración dixital que pretende que a cidadanía poda facer certos trámites ou solicitudes desde a súa casa, traballo, etc., de forma que se evite o desprazamento á Casa Consistorial, superou as cen altas o día da súa posta en marcha, polo que os cen primeiros en darse de alta no servizo recibirán un Pendrive de 1Gb. A partir de agora, todos aqueles que se dean de alta no mes de xuño, entrarán no sorteo dunha PDA Phone HTC P3600 (ou modelo similar), para poder acceder ó Concello Online desde onde se queira (non inclúe a alta no servizo movil). O sorteo farase no mes de xullo e a cada usuario se lle asignará o seu número de solicitude. O persoal do Concello de Carballo non poderá participar nesta promoción.
.jpg)