OBRAS
Martes 13 de febreiro do 2007
A ludoteca municipal permanecerá pechada ao público desde o 19 de febreiro até o 31 de marzo por mor das obras a desenvonvolver nas depedencias, destinadas á mellora de accesibilidade e eliminación de barreiras arquitectónicas. As obras a desenvolver teñen por obxecto a cooperación e integración das persoas con discapacidade, mediante a execución de obras que melloren a accesibilidade.
PORTOS
Martes 13 de febreiro do 2007
Portos de Galicia remitirá ao Concello de Carballo, a principios do vindeiro mes de abril, unha proposta de mellora no ámbito do porto de Razo. Así trascendeu da xuntanza que este martes, 13 de febreiro, mantiveron en Santiago o presidente de Portos de Galicia, Vicente Irisarri, e o alcalde de Carballo, Evencio Ferrero. O rexedor local aportou á reunión documentación sobre o estado actual do ámbito, cun pequeno dosier no que se recolle a situación a día de hoxe.
XUVENTUDE
Luns 12 de febreiro do 2007
Os grupos que utilizan o local de ensaio de Carballo, situado nos baixos do Pazo da Cultura e integrado recentemente na Rede Galega de Locais de Ensaio da Xunta de Galicia, expuxeron ao director xeral de Xuventude, Rubén Cela, e ao alcalde de Carballo, Evencio Ferrero, a necesidade de dotar ao local cun estudio de grabación. Así quedou de manifesto nunha xuntanza mantida esta fin de semana por ambas partes, na que Rubén Cela explicou a iniciativa da Rede Galefa de Locais de Ensaio.
TERCEIRA IDADE
Luns 12 de febreiro do 2007
A Concellería da Terceira Idade do Concello de Carballo estrea esta semana un novo programa de ocio activo que se desenvolverá en once puntos diferentes do municipio. Baixo o nome de Saber ser vello, as xornadas desenvolverase ao longo de tres días en cada unha das sedes, profundizando na prevención. Un sanitario e unha educadora social daranlles aos participantes da iniciativa información sobre alimentación, actividade física, prácticas saudables e prevención de riscos.
CULTURA
Luns 12 de febreiro do 2007
O Pazo da Cultura foi escenario da presentación do programa do Antroido 2007, que se desenvolverá en Carballo do 16 ao 20 deste mes de febreiro. O programa aúna diferentes actividades para xente de todas as idades, dando prioridade ás actuacións de rúa, que contribuirán a dar un ambiente máis colorido e festivo á celebración. Na presentación da programación estiveron presentes o alcalde de Carballo, Evencio Ferrero, a concelleira de Cultura, Belén Lendoiro, e o concelleiro de Terceira Idade, Antonio Longueira. Todos coincidiron en sinalar a variedade do programa, co ánimo de que siga crecendo para ser un referente en toda a Costa da Morte, ademáis de chamar á participación dos veciños para disfrutar da festa.
MULLER
Venres 9 de febreiro do 2007
O Centro de Información á Muller de Carballo organiza, para o vindeiro mes de marzo, a realización dun curso de Autoestima e Habilidades Sociais. O día 15 de febreiro ábrese o prazo para anotarse ao mesmo, que se realizará en oito sesións dunha hora e media de duración cada unha. O prazo de inscrición estará aberto até o 2 de marzo.
DEPORTE
Venres 9 de febreiro do 2007
A Dirección Xeral para o Deporte, o Concello de Carballo e a Federación Galega de Atletismo organizan este sábado, 10 de febreiro, a Fase Provincial de Campo a Través do Deporte en Idade Escolar nas categorías benxamín, alevín, infantil e cadete. A proba disputarase no Polígono Industrial de Bertoa, de 11,00 a 14,00 horas. 500 atletas de toda a provincia tomarán parte na proba, na que o Fogar Triatlón Carballo competirá con doce deportistas, formando dous equipos en categoría infantil e cadete. Na presentación do evento estiveron presentes o xerente do Padroado Deportivo Municipal, Francisco García, o xefe do Servicio Provincial de Deportes de A Coruña, Enrique Rodríguez, o presidente do Fogar, Antonio Varela, e o alcalde de Carballo, Evencio Ferrero.
CULTURA
Venres 9 de febreiro do 2007
O Pazo da Cultura acolle este venres, 9 de febreiro, a partir das 21,00 horas, a representación de Sempre ao lonxe, a cargo da compañía Mofa e Befa. A actuación está incluida na programación dos Venres Culturais do Concello de Carballo e trátase do último espectáculo desta compañía que, co seu habitual espírito perverso e transgresor, propoñen, sempre desde o humorunha reflexión sobre a conformación multiétnica da idade actual. Unha variada mostra de diferentes e singulares etnias que demostran que a interculturalidade e a convicencia entre culturas, razas e modos de pensar é posible.
OBRAS PÚBLICAS
Xoves 8 de febreiro do 2007
O Concello de Carballo somete a información pública, durante o espazo de 30 días hábiles contados a partir do día seguinte ao da publicación do anuncio no DOG, o anteproxecto de construcción e explotación da nova infraestructura viaria Costa da Morte: vía de alta capacidade Carballo-Berdoias. O documento, remitido pola Consellería de Política Territorial ao Concello de Carballo, recolle os tipos de vía elexidos para desenvolver en cada un dos treitos, logo de que a Dirección Xeral de Obras Públicas considerara que, no anteproxecto de construcción e explotación da vía de alta capacidade Carballo-Fisterra, sometido a información pública no ano 2005, a solución proposta non daba unha resposta axeitada ás demandas sociais e económicas na área xeográfica afectada pola actuación.
VIVENDA E SOLO
Xoves 8 de febreiro do 2007
O Consello da Xunta aprobou este xoves, 8 de febreiro, o proxecto sectorial e proxecto de urbanización da primeira fase do polígono industrial de Bértoa. O Consello tamén declarou de utilidade pública e interese social este proxecto e a necesidade de ocupación dos terreos afectados para a súa execución, o que permitirá iniciar o expediente de expropiación dos predios que non sexan adquiridos de mutuo acordo cos seus propietarios. A primeira fase do parque empresarial de Carballo terá unha superficie de 730.000 metros cadrados.
SEGURIDADE
Xoves 8 de febreiro do 2007
A xunta local de seguridade celebrou este xoves, 8 de febreiro, unha nova reunión na Casa do Concello. Na mesma púxose de manifesto o descenso xeralizado das infraccións penais durante o ano 2006, baixando nun 30,81% con relación ao ano 2005. A xuntanza estivo presidida pola subdelegada de Goberno en A Coruña, Obdulia Taboadela, e o alcalde de Carballo, Evencio Ferrero. Ademáis, participaron da mesma o concelleiro de Policía e Seguridade, Ramón Eirís, membros das forzas de seguridade de Carballo e da Agrupación de Tráfico da Guardia Civil.
CULTURA
Mércores 7 de febreiro do 2007
Este xoves, 8 de febreiro, terá lugar no Pazo da Cultura o acto de inauguración da exposición En liña discontinua, de Nacho M. Baamonde, composta de 19 obras realizadas con distintas técnicas de gravado. A exposición permanecerá aberta durante un mes, é dicir, até o vindeiro 8 de marzo.
.jpg)