XUNTA DE GOBERNO LOCAL
Luns 18 de setembro do 2006
A Xunta de Goberno Local procedeu á concesión, na xuntanza celebrada este luns, de cinco licenzas de obra para outros tantos edificios en Carballo. A suma total das vivendas que albergarán estes cinco edificios é de 80. Trátase dun edificio na rúa Mirtos, de 3 vivendas, outro na rúa Camiño do Bosque e rúa Lagoa, de 39 vivendas, outro na Avenida Bergantiños, de 14 vivendas, outro na rúa Santa Eufemia e Avenida Bergantiños, de 17 vivendas, e outro nas rúas Muiño e Baixa, de 7 vivendas. Ademáis, concedeuse licenza para a reforma e ampliación dun edificio na rúa Vázquez de Parga esquina coas rúas Vila de Corme e Vila de Caión, de 19 vivendas, Os datos confirman a alza espectacular na tramitación de licenzas para a construción de vivendas na localidade, superando a estas alturas de ano as cifras de todo o 2005.
CULTURA
Venres 15 de setembro do 2006
A Casa do Concello acolleu a presentación da IX edición do XiriaPop, que se celebrará na Cervexaría Dublín de Carballo, o venres 22 e sábado 23 de setembro. Os concertos da presente edición conta coa presenza de Chris Wilson e Roy Loney, cabezas de cartel o venres e sábado respectivamente. Ademáis, tomarán parte no festival Burgas Beat, Annie Hall e Meu, o primeiro día, e The Charades, Big City e Los Chicos o segundo. O prezo do bono para acudir os dous días é de 15 euros, sendo de 9 euros para acudir un so día.
ENSINO
Venres 15 de setembro do 2006
Logo do comezo do curso en Infantil e Primaria, os centros de Secundaria do concello botarán a andar o vindeiro luns, 18 de setembro. O gasto do Concello de Carballo en reparación e conservación de escolas sitúase, no ano 2006, na media dos últimos exercicios, lixeiramente superior aos 70.000 euros. Ademáis, existe unha partida de inversión nos colexios de 40.000 euros para 2006. A inversión global desde o ano 2003 foi superior aos 300.000 euros, con importantes actuacións nos diferentes centros de ensino na localidade.
ENSINO
Xoves 14 de setembro do 2006
Este venres, 15 de setembro, remata o segundo prazo de preinscripción e matrícula na Escola Oficial de Idiomas de Carballo, para os alumnos que queiran matricularse en primeiro por primeira vez. O sorteo de publicación da listaxe do alumnado preinscrito que pode matricularse publicarase o 21 de setembro e entre o 29 de setembro e 5 de outubro matricularanse ditos alumnos.
CULTURA
Xoves 14 de setembro do 2006
O alcalde de Carballo, Evencio Ferrero, será o encargado de inaugurar este xoves, 14 de setembro, a exposición Imaxes do RC Deportivo da Coruña, na sala de exposicións do Pazo da Cultura. A mostra está composta por unha variada gama de fotografías de xogadores e entrenadores do Deportivo da Coruña, e poderá visitarse até o día 5 de outubro.
TRÁFICO
Xoves 14 de setembro do 2006
O Concello de Carballo ven de comezar a sinalización das novas prazas de aparcamento limitado na rúa Gran Vía. O obxecto desta medida é o de dar resposta á demanda de prazas de estacionamento no centro do casco urbano e atender, á vez, as solicitudes dos comerciantes. Na actualidade, a zona azul funciona en varias zonas do entorno da Praza do Concello, incluida parte da rúa Gran Vía.
LITORAL
Mércores 13 de setembro do 2006
O alcalde de Carballo, Evencio Ferrero, manterá o vindeiro venres unha xuntanza co Vicepresidente da Xunta de Galicia e o Conselleiro de Medio Ambiente para xestionar a rede de saneamento integral en Razo. A intención do goberno municipal é a de iniciar as conversas para que o litoral esté saneado, en base a un proxecto superior en contía a 1.300.000 euros.
URBANISMO
Mércores 13 de setembro do 2006
O alcalde de Carballo, Evencio Ferrero, ven de convocar para o vindeiro venres, 15 de setembro, a partir das 13,00 horas, a mesa de contratación do aparcamento soterrado e o novo edificio comercial da praza do Concello. A xuntanza servirá para examinar a única proposta presentada ao proxecto, por parte da Unión Temporal de Empresas formada por Construcciones Aldesa, de Madrid, e Inversiones Benal, de A Coruña. A viabilidade da actuación depende de que a oferta se axuste aos requisitos do prego de condicións.
OBRAS
Martes 12 de setembro do 2006
As obras do proxecto básico e de execución de Acondicionamento do complexo do local social de Berdillo, nas súas tres fases, veñen de ser adxudicadas por importe de 232.913’92 euros. A adxudicación das obras sucede á sinatura do convenio de cooperación cultural entre a Xunta de Galicia e o Concello de Carballo, polo que a Consellería de Cultura achegará a cantidade de 115.843 euros ao Concello para os traballos.
MEDIO RURAL
Martes 12 de setembro do 2006
Con motivo da aprobación, pola Xunta de Galicia, do Decreto 105/2006, polo que se regulan medidas relativas á prevención de incendios forestais, a consellería de Medio Rural iniciará o vindeiro día 19 de setembro unha serie de charlas informativas nas parroquias do concello de Carballo para a súa aplicación. Serán en total seis actos noutras tantas parroquias do término municipal, dirixidas a poboacións concretas do concello. As charlas será impartidas por técnicos da consellería de Medio Rural.
CULTURA
Luns 11 de setembro do 2006
Rematada xa a época estival, a concellaría de Cultura do Concello de Carballo ven de dar a coñecer o novo horario dos equipamentos culturais do municipio, que comezan a funcionar a partir deste luns, 11 de setembro. As modificacións afectan á ludoteca, aula de informática, Pazo da Cultura, Museo Bergantiños e biblioteca.
ENSINO
Luns 11 de setembro do 2006
O alcalde de Carballo, Evencio Ferrero, a concelleira de Cultura e Ensino, Belén Lendoiro, e o concelleiro de Servizos e Mantemento, Luis Lamas, comezaron este luns unha rolda de visitas aos colexios do concello con motivo do comezo do curso escolar en Educación Infantil e Primaria. Os centros educativos nos que os representantes do goberno municipal estiveron foron o de Razo, Bergantiños, Fogar, Cristina e San Luis Romero. Mañán martes continuarán as visitas no colexio da Gándara-Sofán e ás Escolas Unitarias.
.jpg)