XUNTANZA EN SANTIAGO
Luns 21 de novembro do 2005
O alcalde de Carballo, Evencio Ferrero, e a concelleira delegada de Cultura, Belén Lendoiro, mantiveron unha xuntanza en Santiago coa Conselleira de Cultura e Deporte, Ánxela Bugallo. A reunión serviu para que os representantes do grupo de goberno trasladaran diferentes prioridades para a localidade, como o aumento da colaboración e o apoio da Consellería de Cultura no deseño da programación cultural de Carballo, coa pretensión de que sexa un referente comarcal, ou o Investimento en equipamento cultural para as asociacións, sobre todo nas parroquias. Neste sentido cabe destacar a necesidade de mellora do centro social de Berdillo.
TELECOMUNICACIÓNS
Luns 21 de novembro do 2005
A Xunta de goberno local de Carballo ven de autorizar o proxecto presentado pola empresa R para achegar a todo o casco urbano da localidade a súa rede de fibra óptica, de máis de 21 kilómetros. A compañía xa deixou preparadas as canalizacións na zona centro, coincidindo coa realización das obras das rúas peonís e a travesía principal, ademáis de presentar o seu producto aos veciños do casco urbano durante os últimos días. O vindeiro venres está previsto que o Concello e a empresa asinen o convecnio de colaboración que permitirá a próxima chegada de R a Carballo.
CULTURA
Venres 18 de novembro do 2005
O Pazo da Cultura de Carballo será escenario a finais do mes de novembro e o primeiro día de decembro da representación das obras finalistas do Certame Galego de Novos Creadores Na Vangarda 2005. Trátase da fase final dun certame na que participan grupos teatrais non profesionais, dos cales só un 25% dos compoñentes do grupo pode superar os trinta anos. O evento presentouse no Concello de Carballo, coa presenza do Director Xeral de Xuventude e Solidaridade, Rubén Cela, do alcalde de Carballo, Evencio Ferrero, e outros membros da corporación municipal.
OBRAS NA MILAGROSA
Venres 18 de novembro do 2005
A empresa Indeza comezará a semana que ven as obras das dúas primeiras naves da futura Casa dos Oficios de Carballo, tras proceder este venres 18 de novembro á firma da acta de replanteo. O coste dos traballos ascende a algo máis dun millón de euros e, unha vez se remate a obra, serán os alumnos da Escola Taller os encargados de completar o proxecto. Según manifestou a empresa, un topógrafo desprazarase a principios da vindeira semán ao lugar para determinar a profundidade da excavación e, con posterioridade, dar inicio aos traballos.
NOVEMBRO CON MÚSICA
Venres 18 de novembro do 2005
O grupo de música antiga 1.500 abre este venres a terceira fin de semana do Novembro con Música do Concello de Carballo. A música medieval e do renacemento terá o seu oco no Pazo da Cultura, a partir das nove da noite. A Deputación da Coruña colabora neste cuarto concerto do programa, que vivirá un novo episodio o sábado 19 de novembro co Festival de Corais.
CULTURA
Xoves 17 de novembro do 2005
A mobilización social posterior ao afundimento do Prestige é o elemento principal da exposición que, con motivo do terceiro ano do naufraxio do petroleiro, se inaugura hoxe xoves, 17 de novembro ás 20.30 horas, na sala de exposicións do Pazo da Cultura de Carballo. A Asociación Socio-Pedagóxica Galega achega esta exposición, composta de vintatrés fotografías de Manuel Graña, Xurxo Lobato, Roberto Varela, Ánxel Trillo, Barca Noya e Elena Agulleiro.
TERCEIRA EDICIÓN
Xoves 17 de novembro do 2005
Con motivo do Día Internacional da Eliminación da Violencia contra a Muller, o vindeiro 25 de novembro, o Concello de Carballo e o Centro de Información á Muller veñen de presentar os actos que se desenvolveran no munipio. A Feira das Asociacións, o xoves 24 de novembro, e as Terceiras Xornadas Palabra de Muller, o venres 25 de novembro, completan un programa que comeza a consolidarse na capital da comarca de Bergantiños.
VISITA INSTITUCIONAL
Xoves 17 de novembro do 2005
O Director Xeral de Xuventude, Rubén Cela, realiza unha visita institucional ao Concello de Carballo o venres, 18 de novembro. Ademáis de presentar o Programa de Teatro na Vangarda, o director xeral visitará, en compañía do alcalde da localidade, Evencio Ferrero, o Centro de Formación e a Casa da Xuventude.
PROXECTO RURBANET
Mércores 16 de novembro do 2005
O Dispositivo de Formación e Acompañamento ó Emprego, comprendido na Estratexia C do Proxecto RURBANET en virtude do Artigo 6 do regulamento do Fondo Social Europeo e promovido pola Deputación de A Coruña, está dirixido a tódolos xóvenes que desexen levar a cabo o seu proxecto de emprego. Éste pódese referir á creación dunha empresa ou á mellora da ocupación existente.
PLAN DE OBRAS E SERVICIOS
Mércores 16 de novembro do 2005
O Concello de Carballo procede este xoves, 17 de novembro, á firma das obras de afirmado de camiños en Carballo, Entrecruces e Cances, incluida no Plan de Obras e Servicios da Deputación de A Coruña. A Xunta de Goberno Local aprobara acordar a adxudicación da obra na sesión do 17 de outubro. O orzamento total da actuación ascende aos 42.200 euros.
REUNIÓN EN BUÑO
Mércores 16 de novembro do 2005
O Padroado da Fundación de Bergantiños aprobou, na súa última xuntanza, un orzamento de 119.000 euros para o vindeiro exercicio. Foi un dos asuntos máis destacados dunha reunión na que, ademáis, acordouse a inclusión do director xeral de Desenvolvemento Rural, Edelmiro López Iglesias, no Padroado.
MELLORAS NO LITORAL
Martes 15 de novembro do 2005
O Concello de Carballo ven de remitir á Fundación Arao unha proposta encamiñada a establecer medidas preventivas á erosión dos taludes de Razo e a mellora de accesibilidade na zona. O Concello demanda a instalación dunha pasarela peatonal de aproximadamente 300 metros de lonxitude e un ancho de 2 metros, disposta en sentido paralelo á línea de costa e ao vial de acceso a aparcamento.
.jpg)