POLÍGONO INDUSTRIAL
Mércores 19 de outubro do 2005
O grupo de goberno de Carballo demandou de Xestur a posta en funcionamiento e disponibilidade para as empresas de 74 hectáreas de solo industrial no polígono Bertoa. A inversión prevista para esta ampliación achégase ós 19 millóns de euros. Así trascendeu da xuntanza mantida polo alcalde de Carballo, Evencio Ferrero, co Delegado Provincial de Vivenda e Solo, Juan Carlos Bascuas, e dous técnicos de Xestur. Ó encontro acudiron tamén o concelleiro de urbanismo, Manuel Andrade, o de industria e comercio, Francisco Pérez e o arquitecto municipal, Alfredo Garrote.
ZONA AZUL
Mércores 19 de outubro do 2005
Esta tarde reúnense as comisión informativas de Acción Social, Participación e Persoal, de Asuntos Económicos e Especial de Contas e a de Urbanismo e Desenvolvemento. Na primeira das mesmas abordarase a ampliación da Zona Azul na rúa Fomento. A actuación comprende un dos márxenes desta vía carballesa, co obxecto de facilitar o aparcamento nun enclave de gran actividade comercial.
FONDO GALEGO DE COOPERACIÓN
Martes 18 de outubro do 2005
O Concello de Carballo acolleu a última xuntanza do 2005 da Rede Municipal Solidaria, integrada na área de A Coruña por mais de trinta concellos que desenvolven políticas de cooperación ao desenvolvemento nos países do Sur e que forman parte do Fondo Galego de Cooperación e Solidariedade. O Fondo Galego é unha entidade municipalista que impulsa e coordina os esforzos da cooperación internacional ao desenvolvemento que promoven os concellos e deputacións de Galicia. O concello de Carballo pertence a este organismo dende o 2004
CÁMARA DE COMERCIO
Martes 18 de outubro do 2005
O Salón de Plenos do Concello de Carballo acolleu a celebración dunha conferencia do Director Xeral da Cámara de Comercio de A Coruña, en relación ó Observatorio de Antena Cameral. O Observatorio Socioeconómico de Carballo convocou esta nova reunión co obxectivo de presenta-los proxectos concretos que o Observatorio e a propia Antena Local podan promover.
LICENZAS
Martes 18 de outubro do 2005
A Xunta de Goberno local aprobou a autorización de cinco novos vados permanentes en distintas zonas do municipio de Carballo. Estas solicitudes de licenza, que se suman outras xa autorizadas en sesións anteriores, estanse a realizar a raíz da campaña de inspección dos vados irregulares nas vías urbanas de Carballo iniciada polo Concello a comezos do mes de setembro.
TRANSPORTE ADAPTADO
Luns 17 de outubro do 2005
O alcalde de Carballo, Evencio Ferrero, asistiu a unha xuntanza en Santiago co obxectivo de que o Concello de Carballo se acolla ó Programa de Apoio Normalizado de Transporte Adaptado. O acto tivo lugar na vicepresidencia da Igualdade e do Benestar. Con este acordo preténdese garantir ás persoas con algún grao de dependencia a máxima integración nos servizos xerais dos seu contorno, favorecendo a súa mobilidade, comunicación e participación na vida social.
CONTENERIZACIÓN SOTERRADA
Luns 17 de outubro do 2005
A Xunta de Goberno Local de Carballo acordou solicitar á Consellería de Medio Ambiente e Desenvolvemento Sostible a instalación de contenerización soterrada, a emprazar nos terreos propiedade do Concello sitos na rúa Coruña.
CONTRATACIÓN
Luns 17 de outubro do 2005
A Xunta de Goberno Local acordou aproba-lo Prego de Prescripcións Técnicas para o suministro e instalación dun ascensor eléctrico na casa do Concello de Carballo. O acordo recolle a elección como sistema de adxudicación o procedemento negociado sen publicidade para a adxudicación do suministro referido.
TELECOMUNICACIÓNS
Venres 14 de outubro do 2005
O Concello de Carballo aprobou definitivamente a Ordenanza municipal para a instalación e o funcionamento de instalacións de telefonía móbil e doutros servizos de telecomunicacións e difusión no termo municipal de Carballo. "O forte desenvolvemento da tecnoloxía móbil, o importante impacto das súas instalacións na paisaxe rural e urbana e a carencia de normativa municipal específica en Carballo obrigaron o Concello a intervir no proceso", explícase no texto.
LECER
Venres 14 de outubro do 2005
Unha orixinal versión da Medea grega, unha adaptación do Tartufo de Molière e a aposta provocadora da compañía madrileña Sexpeare, inauguran a XIV edición do Festival internacional Outono de teatro, que se celebra en Carballo ata o 1 de novembro. Para os máis pequenos, o Fiot ofrece o espectáculo de máscaras, música e humor, dos Quinquilláns, que representan Moby Dick o sábado ás 19.00 horas e os afeccionados aos monólogos terán a oportunidade de asistir ás dúas primeiras fases do Certame de dramatización de monólogos cómicos na cervexaría Dublín.
SERVIZOS SOCIAIS
Xoves 13 de outubro do 2005
O servizo de información e asesoramento xurídico para emigrantes retornados e inmigrantes do Concello de Carballo atendeu máis de 200 persoas durante o primeiro semestre o ano. O colectivo ao que se dirixe este servizo supera os 600 habitantes no municipio aínda que tamén se poden beneficiar inmigrantes e retornados de toda a comarca.
PAGAMENTO
Xoves 13 de outubro do 2005
O Concello de Carballo anuncia que o Servizo de Estradas da Consellaría de Política territorial, Obras públicas e Transportes vai facer o pagamento dos expedientes de expropiación forzosa por mor da obra "Acondicionamento da estrada AC-414 Carballo - Malpica de Bergantiños" no treito Carballo - Buño, das fincas expropiadas no termo municipal de Carballo.
.jpg)