OBRAS

Comezan os traballos de asfaltado de camiños das parroquias de Artes, Rus e Cances incluídas no POS de 2008

Xoves 4 de setembro do 2008

No primeiro caso está prevista a mellora da pista entre Altiboa -en Artes- e Muíño de Barbalde -en Rus (na imaxe pode observarse o desenvolvemento dos traballos). Trátase dun camiño de aproximadamente un quilómetro de lonxitude e a empresa encargada de executar os traballos é Eulogio Viña. Nestes momentos os operarios xa están traballando a bo ritmo. Na parroquia de Cances está previsto o acondicionamento e asfaltado da pista -tamén dun quilómetro de lonxitude, aproximadamente- que transcorre entre Vilariño e o Campo de fútbol de Cances. As melloras principian hoxe e corren a cargo da empresa Oviga.

A Concellaría de Obras resalta que estes traballos incluíronse dentro do Plan de Obras e Servizos de 2008 atendendo ás demandas dos veciños destes lugares e co obxectivo de mellorar as comunicacións nos núcleos rurais. Nun dos proxectos, mellorando unha pista que une dúas parroquias como Artes e Rus, e no outro, facilitando a conexión cunhas instalacións como o campo de fútbol de Cances.